Faza 1 – Lyerja e sipërfaqes me Tieff Grund

Para çdo veprimi, Ne duhet së pari të lyejm muret e objektit apo shtëpis me Bazë Emulsioni (Tieff Grund),  e pastaj të vazhdojmë me Procedurën e Ngjitjes së Pllakave të Stiroporit me Ngjitës Adekuat.
Tieff Grund përdoret në sipërfaqe të ndryshme për të kufizuar ose balancuar absorbimin dhe për të forcuar lidhjen mes shtresave.

Faza 2 – Lyerja e sipërfaqeve nga betoni me Beton Kontakt

Në pjesët e sipërfaqes nga betoni, duhet aplikuar Beton Kontakt i cili është produkt  që shërben si urë lidhëse speciale për suvatim të sipërfaqeve nga betoni, i cili siguron fortësi të njëtrajtshme.

Beton Kontakti zvogëlon aftësinë ujëthithëse dhe Neutralizon vlerën e pH.

Pas lyerje së sipërfaqes me tieff grund, fillojm me vendosjen e Akcesorit mbajtës të Stiroporit (Cokëllshinit), dhe pastaj fillojmë vendosjen e pllakave të Stiroporit me ngjitësin i cili duhet të jetë cilësorë dhe i garantuar për veprimin tonë.

Qoftëse Ne vendosim Pllaka të Stiroporit  N3 10cm, atëherë duhet të dijm që pesha e tyre specifike është 1.5 Kg për M² , dhe patjetër Ngjitësi duhet të jetë Cilësorë dhe i pasurë me fibra i cili ngjetë dhe forcon maskimalisht pllakën e Stiroporit në Muri.

Shembull: Shtëpia ka sipërfaqe 250 M²  dhe vendosim Stiropor N3 10cm ( 250 x 1.5Kg = 375 Kg Vetëm pesha e Stiroporit)

Pesha Specifike e Stiroporit për M² / N3 10cm = 1.5kg kurse N4 10cm = 1.7kg

Preferohet vendosja e tipllave në shtëpit apo objektet mbi 3 Kate lartësi !

Obligative: Vendosja e tipllave në shtëpit e vjetra, ose të rinovuara.

Pas ngjitjes së Pllakave të Stiroporit,  vendosim Rjetë qelqi e cila duhet të jetë cilësore (145gr , 160gr ose 180gr), dhe pastaj vazhdojmë me Suvatim me Llaqë Rrafshues i cili aplikohet mbi pllakën e Stiropori.

Llaqi rrafshues duhet të jetë Cilësorë, i pasurë me Fibra dhe rekomandohet të ipen 2 Shtresa me llaqë Rrafshues.

Llaqi rrafshues duhet të qëndrojë së paku 5 Ditë në fazën e tharjes e mandej të vazhdohet me Finalizimin e Fasadës.

Gjatë kësaj faze duhet vendosur Akcesorët e Sistemit të Izolimit :Kënde rrjetë, Apu Llajsne, Kënde Pikore, Shkumë Stiropori XPS  dhe kënde Harkore.

Pregaditja për Finalizimin e Sistemit të Fasadës
Në këtë fazë duhet të aplikohet Bazë Fasade Kuartzi e cila lidhë dhe forcon shtresën e Llaqit rrafshues me Fasadën që aplikohet në fund të projektit.

Baza e Fasadës aplikohet me roller ose brushë dhe pas 24 orëve mund të fillojmë me aplikim e Fasadës Dekorative.

Karakteristikat dhe Aplikimi i Fasadës

Fasada është llaç cilësor dekorativ me bazë Akrilike ose Silikate, është jashtëzakonisht e fortë dhe rezistente ndaj ujit.Ngjitet mirë në sipërfaqe dhe mundëson depërtueshmëri të mirë të avullit.
Është rezistent ndaj ndikimeve atmosferike dhe rrezatimeve UV.
Përdoret për mbrojtjen dhe dekorimin e sipërfaqeve minerale të mureve të jashtme dhe të brendshme.
Është shtresa e fundit te punimi i fasadave termoizoluese.

Fasada prodhohet si ngjyrë e bardhë, ndërsa mund të Pigmentohet me Sistemin JUMIX i cili ofron deri në 3000 Nuanca.

Vërejtje:  Zgjedhja e Nuancës për Fasadë duhet të jetë në përputhje me Kriteret e Prodhuesit,  Tek nuancat e mbyllta (Nuancat e Errëta) NUK ipet Garancion sepse mund të shfaqen anomali të ndryshme si p.sh.: Zbehje e Nuancës apo shfaqje e algave apo myshqeve, dhe Prodhuesit rekomandojnë nuanca më pak të errëta të cilat janë rezistente ndaj rrezeve të diellit.

Temperatura kur duhet Aplikuar Fasada ?

Temperatura optimale e punës duhet të jetë +10°C deri +25°C. Nuk bën të përdoret në temperaturë nën +5°C, e as në diell të fortë, në erë, mjegull dhe shi.

Kur Izolojmë Shtëpinë apo Objektin, Ne fitojm një pamje të bukurë dhe dekorative.

Përparsitë kur Izolojmë shtëpinë:

• Stabiliteti termik i mureve të jashtme në kohën e verës
• Mbrojtje optimale dhe ekonomike termike e mureve të jashtme
• Mbrojtje e plotë ndaj nxehtësisë
• Kursime të mëdha të energjisë
• Rezistencë afatgjate kundër infeksionit të mureve nga algat
• Përshkueshmëria jashtëzakonisht e lartë e avujve
• Koeficient shumë të ulët të përçimit të energjisë termale
• Rezistent ndaj ndikimeve atmosferike dhe rrezeve UV
• Zgjedhje jashtëzakonisht e madhe e Nuancave

Ne besojmë në produktet që kemi shitur dhe jemi të sigurt në lidhje me cilësinë, prandaj Ne japim për produktet tona deri në 10 vjet garanci.

Kur vlenë Garancioni ?

• Garancioni vlenë kur në të gjithë Sistemin përdoren Produktet e të njejtit Prodhues apo Brend.
• Garancioni vlenë kur gjatë aplikimit, kontrollohet dhe mbikqyret i gjithë procesi nga Arkitekti i caktuar
• Garancioni vlenë kur produktet aplikohen sipas standardeve adekuate të Prezantuara nga Prodhuesi
• Garancioni vlenë qoftëse Punëkryesi dhe Ekipa e tij kanë njohuri Profesionale rreth Izolimit, dhe patjetër duhet të jetë Biznes Aktiv në ATK.
• Prodhuesi garanton se defektet eventuale që mbulohën nga garancioni dhe përbrenda kohës valide të garancionit do të rregullohen me shpenzime të prodhuesit.
• Afati për eliminimin e defektit gjatë kohës së garancionit është 45 ditë nga dita e paraqitjës së defektit.
• Ankesa duhet të paraqitet në formë të shkruar.

Kur nuk vlenë Garancioni  ?

• Garancioni nuk vlenë atëherë kur në Sistemin e Izolimit kombinohen produkte nga 2 apo më shumë Prodhues.
• Garancioni nuk vlenë kur aplikimi i produkteve bëhet në kushte jo të mira atmosferike ( nën +5°C, në diell të fortë, në erë, mjegull dhe shi)
• Garancioni nuk vlenë qoftëse nuk rrespektohet koha e tharjes së Ngjitësit dhe Rrafshuesit të Stiroporit  ( Koha optimale: 5 Ditë në temperatura +10°C deri +38°C)
• Garancioni nuk vlenë qoftëse dëmtimi vjen nga shkaqet natyrore (tërmeti, breshëri apo goditje të tjera).
• Garancioni nuk vlenë qoftëse gjatë Projektit të Izolimit nuk ka mbikqyrës (Arkitekt) i cili jep garancë që produktet janë aplikuar sipas rregullave dhe standardeve të Prodhuesit.